नेपाल सरकार
सङ्घीय मामिला तथा सामान्य प्रशासन मन्त्रालय
राष्ट्रिय किताबखाना (निजामती)
"निजामती सेवा दिवस २०७८-८२ को
नारा : "व्यावसायिक र सिर्जनशील प्रशासन : विकास, समृद्धि र सुशासन"
19 Jun, 2021
सम्पत्ति विवरण फाराममा विवरण पेश गरेको निकायको नाममा के लेख्ने ? आ.व. कुन लेख्ने ?
निजामती किताबखाना, हरिहरभवन, ललितपुर । जुन आर्थिक वर्षमा सम्पत्ति विवरण बुझाउन लागिएको हो सो भन्दा अघिल्लो आर्थिक वर्ष उल्लेख गर्ने (बहालवाला कर्मचारीको हकमा) । नयाँ नियुक्ति हुने कर्मचारीले नियुक्त भएको मितिले ६० दिनभित्र बुझाउनु पर्ने (जुन चालू आर्थिक वर्षको पनि हुन सक्छ वाअघिल्लो आ.व.को पनि हुन सक्छ) । उदाहरणको लागि– २०७३ सालको श्रावणदेखि भाद्र २८ गतेसम्म सम्पत्ति विवरण बुझाउन आउँदा खाम बाहिर “आ.व. २०७२/७३ को सम्पत्ति विवरण” भनी उल्लेखगर्नु पर्ने अर्थात आ.व. २०७२/७३ को सम्पत्ति विवरण बुझाउनु पर्ने ।
आ.व. २०७३/७४ मा कुन आ.व. को बुझाउने ?
आ.व. २०७२/७३
कुन साईजको खाममा सम्पत्ति विवरण बुझाउने पर्ने हो ?
९"X४" को साइज
सम्पत्ति विवरण कहिलेसम्म बुझाउन सकिन्छ ?
नयाँ आ.व. शुरु भएको पहिलो दिनदेखि ६० दिनभित्रमा र नयाँ नियुक्ति भएको ६० दिनभित्र बुझाउन सकिन्छ ।
नयाँ नियुक्ति भएको ६० दिनभित्र सम्पत्ति विवरण नबुझाएमा के हुन्छ ?
निजामती सेवा नियमावली बमोजिम ६० दिनभित्र सम्पत्ति विवरण नबुझाएका कर्मचारीहरुको बार्षिक विवरण माग भए बमोजिम राष्ट्रिय सतर्कता केन्द्रमा पुगेपछि कारबाहीको प्रक्रिया सोही निकाय मार्फत हुन्छ ।
जरिवाना कहाँ र कुन राजश्व शीर्षकमा बुझाउने ?
सरकारी राजश्व संकलन गर्न तोकिएको बैंकमा राजश्व शीर्षक नम्बर १४३१२ मा बुझाउने ।
कोड नम्बर भनेको के हो ?
कोड नम्वर भनेको आफू कार्यरत कार्यालयको कोड नम्बर ।
समयमा नै हुलाक मार्फत सम्पत्ति विवरण पठाइएको तर तोकिएको म्यादपछि मात्र विवरण प्राप्त भयो भने जरिवानाबाट जोगिन सकिन्छ वा सकिदैन ?
सकिदैन ।
अध्ययन विदा, असाधारण विदा, निलम्बन, काज र लामो विरामी बिदा बसेकाले पनि सम्पत्ति विवरण बुझाउनु पर्छ ?
विद्यमान ऐन नियमहरुमा सार्वजनिक पद धारण गरेको सबैले तोकिएको म्यादभित्र सम्पत्ति विवरण बुझाउनु पर्छ भन्ने व्यवस्था भएकोले निलम्बन, काज र बिदामा बसेतापनि सार्वजनिक पद धारण गरिरहेकै अवस्था हुने भएकोले सम्पत्ति विवरण बुझाउनु पर्छ ।
सम्पत्ति विवरण फारम कहाँबाट प्राप्त गर्न सकिन्छ ?
सम्पत्ति विवरण फारम डाउनलोड गर्न यहाँ क्लिक गर्नुहोस् ।
सङ्घीय मामिला तथा सामान्य प्रशासन मन्त्रालय
गृह मन्त्रालय
राष्ट्रिय किताबखाना (शिक्षक)
राष्ट्रिय किताबखाना (प्रहरी)
info@pis.gov.np
आइतबार-बिहीबार
१०:०० बिहान - ५:०० बेलुका
शुक्रबार
१०:०० बिहान - ३:०० बेलुका